“Локомотив”га қарши такрорий ўйин олдидан “Ал-Иттиход” футболчилари Саудия чемпионатининг марказий беллашувида зафар қучишга муваффақ бўлишди. Турнир жадвалида етакчилик қилаётган “Ал-Ҳилол” уйига сафар этган жиддаликлар Зиёд Ас-Саҳафининг 6-дақиқада киритган ягона голи эвазига ғалаба қозонишди.

Виктор Пицурке “темирйўлчилар”га қарши танлаб олган бошланғич таркибида фақатгина 1 та ўзгаришга қўл урди. Лусиан Санмартин заҳирада қолдирилди. Қолган 10 та футболчи “Ал-Ҳилол”га қарши дастлабки дақиқаларданоқ ҳаракат қилишди.

Мазкур ғалабадан кейин “Ал-Иттиход” очколари сонини 39 тага етказиб олди. 18-турда “Ал-Аҳли” ҳам мағлуб бўлганини инобатга олсак, пешқадамлар бир-бирларига анчагина яқинлашиб қолишди.

1. Ал-Ҳилол      18 13  1  4  38:16  40
2. Ал-Аҳли        18  11 6  1  32:12  39
3. Ал-Иттиход  18 12  3  3  40:22  39

Кўриб турганингиздек “Ал-Иттиход” чемпионатда энг кўп гол урган жамоага айланиб олган. Эслатиб ўтамиз, сешанба куни жиддаликлар Тошкентда “Локомотив” билан 1:1 ҳисобида дуранг ўйнаган бўлишса, “Ал-Ҳилол” пойтахтнинг бошқа бир клуби билан 2:2 ҳисобига имзо чекканди.

“Ал-Иттиход” – “Локомотив” ўйини сешанба – 1 март куни Тошкент вақти билан 22:30 да старт олади.

АЛ-ҲИЛОЛ – АЛ-ИТТИХОД 0:1
Гол: Зиёд Ас-Саҳафи, 6 (0:1).
“Ал-Иттиход”: 12. Ассаф Ал-Қарни — 4. Салли Мунтари (50. Гусай Саъд, 63), 8. Фаҳад Ал-Муваллад, 9. Жермин Ривас, 10. Абдулфаттоҳ Асири (33. Ёсин Ҳамза, 70), 13. Аҳмад Асири, 15. Жамол Бажандуҳ (23. Муҳаммад Абусабан, 90), 27. Авад Али Ал-Йами, 29. Абдулраҳмон Ал-Гамди (7. Аҳмад Ан-Назира, 77), 30. Зиёд Абдулвоҳид, 51. Мажид Ал-Хайбари.
Огоҳлантиришлар: Муҳаммад Жаҳфали (5) — Фаҳад Ал-Муваллад (21), Абдулфаттоҳ Асири (31), Мажид Ал-Ҳайбари (70), Ёсин Ҳамза (79), Салли Мунтари (87).