“Насаф”нинг ОЧЛ-2016 “D” гуруҳидаги рақиби Саудия Арабистонининг Жидда шаҳри “Ал-Аҳли” жамоаси Қаршига келиши олдидан Саудия премьер лигасида мағлубиятга учради.
Ўтган шанба куни Саудия Арабистони чемпионатининг 18-турида “Ал-Аҳли” жамоаси турнир жадвалининг 10-поғонасида бораётган “Нажран” жамоасини ўз майдонида қабул қилди. Учрашув меҳмон жамоа – “Нажран”нинг ғалабаси билан якун топди. “Нажран” жамоасининг бразилиялик легионери Бисмарк ҳар иккала голга ҳам муаллифлик қилди.
“Аҳ-Аҳли” жамоаси меҳмонларнинг икки голига биргина гол билан жавоб қайтаришди холос, ушбу голни Мансур Ҳарби 41-дақиқада киритган.
Ўтган 18 турдан кейин “Ал-Аҳли” жамоасининг очколари сони 39та бўлиб турибди ва турнир жадвалини иккинчи поғонасида бормоқда. Худди шунингдек “Локомотив” жамоасининг ОЧЛдаги рақиби “Ал-Иттиҳод” ҳисобида ҳам шунча очко бор, улар 3-поғонани банд этиб туришибди.
Турнир жадвалида “Пахтакор”нинг ОЧЛдаги рақиби “Ал-Ҳилол” 40 очко билан карвонбошилик қилмоқда.
Демак, “Ал-Аҳли” жамоаси Қарши сафари олдидан муҳим 3 очкодан маҳрум бўлган.
Саудия Арабистони чемпиони, 18-тур
27 февраль, шанба
“Ал-Аҳли” – “Нажран” 1:2 (1:1)
Голлар: Мансур Ҳарби, 41′- 1:1 – Бисмарк, 18′-0:1, 61′-1:2.
“Ал-Аҳли”: 22. Абдуллоҳ Маюф, 8. Тайсир Жассим, 31. Мансур Ҳарби, 24. Салман Моашер, 9. Умар Алсома, 2.Али Зубайди (11. Ҳусайн Мугаҳви 63), 4. Волид Бахшин (14. М.Асири 63), 10. Иоаннис Фетфацидис, 70. Маркиньо (20.Исмоил Сирож 45+8), 25. Ҳусаи, 3. Ҳавсави.
