Хабарингиз бор, эртага Тошкентнинг “Бунёдкор” жамоаси ОЧЛ-2016 турнирининг гуруҳ босқичи иккинчи турида Саудия Арабистонининг “Ал Наср” жамоасини қабул қилади.
Бугун ҳар икки жамоа бош мураббийлари ва футболчилар ўртасида ўйинолди матбуот анжумани ташкил этилди.
Матбуот анжуманиннг иккинчи қисмида мезбонлар устози Сергей Лушан ва клуб ҳужумчиси Элдор Шомуродов иштирок этди.
- Биринчи ўйинда футболчилар яхши ҳаракат қилди. Аммо натижа биз кутгандек бўлмади. Эртанги ўйига тайёрмиз.
- Сафарда ўйиннинг биринчи бўлимида биз яхши ҳаракат қилдик. Рақибни кучли прессинг эвазига сиқиб қўйдик. Натижага келадиган бўлсак, уларда ҳам тажрибалари футболчилар бор. Ўйлайманки, эртанги баҳс олдидан футболчиларда муаммолар йўқ. Якуний хулосани эртанги ўйиндан сўнг чиқарамиз. Бу ўйинга назортани қўлга олишимиз зарур. Шунда биз учн ўйин осон кечади.
Элдор Шомуродов: Эртанги ўйинда ғалаба қозониб, мухлисларни хурсанд қилмоқчимиз. Ҳар бир вазиятдан максимал даражада фойдаланиб, гол киритишга ҳаракат қиламиз.
Эслатиб ўтамиз, бу жамоаларнинг биринчи тўқнашувида 3:3 ҳисобидаги жанговар дуранг қайд этилган эди. Бўлажак учрашув эса эртага, 1 март куни соат 18:00да “Бунёдкор” стадионида старт олади.
