Испания чемпионатининг 27-тури доирасида "Реал Мадрид" сафарда "Леванте"га қарши баҳс олиб бориб, ўз ҳисобига 3 очкони ёзиб қўйди.

Валенсияликлар жадвалда сўнгги ўринда боришаётганига қарамай, номдор рақибга қарши дадил ўйнади, комбинацион футбол намойиш қилишга ҳаракат қилди.

Биринчи бўлимнинг ўрталарида Васкесга нисбатан қўполлик учун пенальти белгиланди ва уни Роналду аниқ амалга оширди.

Орадан кўп ўтмасдан Майораль жарима майдончаси ташқарисидан йўллаган зарбадан сўнг тўп устунга, сўнгра дарвозабонга тегиб, чизиқни кесиб ўтди.

Орадан бир дақиқа ўтиб, мезбонлар футболчиси Дейверсон ҳисобни биттага қисқартирди.

Иккинчи бўлимда устунлик мадридликлар томонида бўлди. Иккинчи бўлимга қўшиб берилган дақиқаларда Роналду томонидан етказилган узатмани Иско дарвозага жойлади — 1:3.

Ушбу ғалабадан кейин "Реал" "Атлетико" билан 4 очколик фарқни сақлаб қолган бўлса, 4-ўриинда бораётган "Вильяерреал"дан 4 очкога илгарилаб кетди.

Испания чемпионати, 27-тур
Леванте – Реал Мадрид 1:3 (1:2)
Голлар: 0:1 – 34, пенальти Роналду, 0:2 – 38, автогол Мариньо, 1:2 – 39 Дейверсон, 1:3 – 90 Иско.
Леванте – Мариньо, Орбан, Феддаль, Лопес, Межани, Камараса (Гарсия, 72), Симау (Верса, 68), Лерма, Моралес, Росси (Касадесус, 63), Дейверсон.
Реал Мадрид – Навас, Данило, Варан, Начо, Пепе, Каземиро (Ковачич, 74), Хамес (Иско, 80), Кроос, Васкес, Майораль (Хесе, 86), Роналду.
Огоҳлантиришлар: Васкес (39), Симау (42), Гарсия (79).