Испаниянинг “Реал” клуби ярим ҳимоячиси Иско Англияга йўл олиши мумкин. Бу ҳақда ESPN хабар бермоқда.
Манбанинг маълум қилишича, “Қироллик клуби” футболчисига Англиянинг “Манчестер Сити”, “Арсенал” ва “Манчестер Юнайтед” каби грандлари қизиқиш билдиришмоқда. Шунингдек, Исконинг хизматларига Туриннинг “Ювентус” клуби ҳам эҳтиёж сезмоқда.
Маълумот ўрнида, бир неча кун олдин хорижий ОАВ томонидан “Реал” вакиллари Хамес Родригес ёки испаниялик ярим ҳимоячидан бирини танлаши мумкинлиги айтилганди.