“Вердер” ҳужумчиси Клаудио Писарро Бундеслига тарихида хет-трик қайд этган энг “қария” футболчига айланди.

Кеча “Вердер” “Байер”га қарши кечган баҳсда сафарда 4:1 ҳисобидаги ғалабага эришди. Учрашувда перулик футболчи 3 марта рақиб дарвозасини ишғол этишга муваффақ бўлди. Бу ишни тажрибали форвард 37 ёш-у 5 ойлик пайтида амалга оширганини қайд этиб ўтиш жоиз. Бу орқали Писарро Бундеслига тарихида хет-трик қилган энг ёши катта ўйинчига айланди.

Таъкидлаш жоиз, бунгача Писарро Германия Бундеслигасида 400та учрашувда майдонга тушган дастлабки хорижлик футболчига айланганди.