Бугун Бекобод шаҳридаги А.Анохин номли стадионда Ўзбекистон миллий чемпионати 1-туридан ўрин эгаллаган “Металлург” – “Сўғдиёна” жамоаларининг ёшлар таркиблари ўртасидаги учрашуви бўлиб ўтди. Қизиқарли курашлар остида ўтган учрашувда дуранг натижа қайд этилди – 2:2. Учрашувнинг илк дақиқалариданоқ мезбонлар катта куч билан олдинга ташланишди. Бу эса биринчи таймда ўз самарасини берди. Озод Комилов ҳамда Зокир Аҳмаджоновларнинг аниқ зарбаларидан кейин маъданчилар биринчи бўлимни ўз фойдаларига якунлашди. Аммо танаффусдан кейин бироз хотиржамликка берилган мезбонлар ғалабани сақлаб қола олишмади. Жиззахликлар аввалига 11 мертлик белгидан, ўйин якунида эса стандарт вазиятдан иккита гол киритиб, сафардан дуранг натижа билан қайтадиган бўлишди. “Металлург” – “Сўғдиёна” – 2:2(2:0). Бекобод. Ёшлар таркиблари. 04.03.2016 йил. Ҳакам:Акмал Рисқуллаев (Тошкент). Голлар:Озод Комилов, Зокир Аҳмаджонов – Шаҳзод Каримов, Мўмин Мелиев. “Металлург”:Тимур Тўйчиев, Жасур Аҳмедов, Улуғбек Худойбердиев, Аброр Тошқўзиев, Умид Раҳимов, Улуғбек Худоёров, Мансур Нуралиев, Суннат Эрматов, Асомиддин Абдураҳмонов, Зокир Аҳмаджонов, Озод Комилов. Заҳирадан майдонга тушганлар:Зуфар Акбаралиев, Тимур Сайдуллаев, Аъзам Самижонов.