Олий лига
1-тур
“Қўқон-1912” – “Обод” 1:0 (0:0)
Ҳакамлар: И. Танташев, Р. Серезетдинов, Р. Шояхметов, И. Худойдотов.
Гол: Илья Ильин-74.
“Қўқон-1912”: 16. Андрей Бакланов, 5. Жалил Кимсанов, 6. Баҳодир Акрамов (25. Алишер Зиявуддинов-60), 7. Отабек Зокиров, 10. Отабек Ҳайдаров, 11. Наврўз Алимов (Азиз Тўхтабоев 75), 20. Достон Турсунов, 23. Фурқат Ҳасанбоев (33. Абдул Азиз Юсупов-62), 24. Илья Ильин, 28. Абдуллох Олимов, 31. Ойбек Нурбоев.
Захира: 21. Ғайрат Ҳасанов, 4. Миржалол Қурбонов, 22. Ориф Мамажонов.
“Обод”: 12. Дилшод Ҳамраев, 4. Хуршид Ғиёсов, 5. Ғайрат Умиров, 6. Шерзод Жалилов, 7. Жавоҳир Қаҳрамонов (14. Акбар Хўжаев-87), 8. Дониёр Ҳасанов, 9. Павел Соломин (15. Санжар Баратов-65), 10. Алишер Азизов (13. Умид Матмусаев-79), 11. Шохруз Норхонов, 18. Санжар Тўрақулов, 23. Жавлон Искандаров.
Захира: 1. Умид Ярбеков, 2. Аброр Ҳусинов, 19. Аббос Икромов, Ислом Исмоилов.
Қўқонга катта футбол шукуҳи кириб келди. Бугун Олий лига 1-тур доирасида “Қўқон-1912” – “Обод” учрашуви билан навбатдаги миллий чемпионат баҳсларига старт берилди. Шу боис ўйин олдидан махсус концерт дастури бўлиб ўтди.
Кейин эса Қўқон шаҳар ҳокими Акрамжон Анорқулович Абдуллаев сўзга чиқиб мухлисларни футбол мавсум бошлангани билан қутлади ҳамда “Қўқон-1912” жамоасига янги мавсумда омад ёр бўлишини тилади.
Шундан кейин икки жамоа сардорлари – Андрей Бакланов ва Дониёрбек Ҳасановлар Ўзбекистон мадҳияси остида 25-миллий чемпионат байроғини кутаришди.
Бош ҳакам Ильгиз Танташевнинг ҳуштаги чалингач, ўйин бошланди. Учрашув вакилларимизнинг ҳужумлари билан бошланди.
Илк дақиқалардан Муроджон Исмоилов шогирдлари тезкор гол киритиш учун олдинга ташланишди. 3-дақиқадаёқ Отабек Зокиров қулай имкониятни қўлдан бой берди.
Умуман олганда, дастлабки 20 дақиқа жамоамизнинг устунлиги остида ўтди.
Кейинчалик ўйин бироз теглашди. Бўлимнинг сўнгги дақиқаларида эса яна ташаббус майдон эгалари томонига ўтди. Бироқ, яна ўша вазиятларни голга айлантиришдаги сусткашликлар оқибатида дастбалки таймда ҳисоб очилмади.
Айтганча, бугунги ўйинда мухлис учун иккита янгилик жорий этилди. Биринчиси энди ҳар бир ўйин бошланишидан аввал стадионга тўп қуядиган махсус мослама ўрнаштирилади. Иккинчиси эса жамоа таркиби эълон қилинганда таблода исми зикр этилган футболчининг расми пайдо бўлади. Буларнинг барчаси мухлисларимизга қўлайлик яратиш учун қилинган ишлардир.
Иккинчи бўлим ҳам худди биринчиси каби вакилларимизинг ҳужумлари билан бошланди. Жамоамиз футболчилари олдинга интилган вазиятларда меҳмонлар қарши ҳужумлари хавфли кўриниш ола бошлади.
57-дақиқада меҳмонлар футболчиси ўйиндан ташқари ҳолатда қолиб кетганига қарамай, тўпни дарвозага киритди. Таббийки, бош ҳакам голни инобатга олмади.
74-дақиқада ҳисоб очилди. Бурчакдан оширилган тўпни Илья Ильин боши билан дарвозага аниқ йўллади – 1:0.
77-дақиқада меҳмонлар ҳисобни тенглаштириш учун яхши имконият ҳосил қилишди. Аммо Андрей Бакланов катта қийинчилик билан тўпни қайтаришга эришди. Балли, Андрей! Сендан маа шундай мардонавор ўйинлар кутиб қоламиз.
87-дақиқада Отабек Ҳайдаров ҳакам томонидан қизил карточка олиб майдонни тарк этди.
Ҳакам қўшиб берилган дақиқада меҳмонлар ҳисобни тенглаштиришлари мумкин эди. Андрей Бакланов яна маҳорат кўрсатди.
