Англия чемпионатининг 29-тури доирасида бўлиб ўтган "Тоттенхэм" - "Арсенал" учрашувида ғолиб номи аниқланмади. Лондон дербиси 2:2 ҳисобида дуранг билан якунланди.

Учрашув бошидан мезбонлар олдинга ташланишди. "Канонирлар" рақибнинг босимига дош беришди ва аста-секин олдинга ўта бошлашди. Ўйиннинг 39-дақиқасида Рэмзи товони билан тўп йўналишини ўзгартириб ҳисобни очди.

Иккинчи бўлим бошида эса "Арсенал" ярим ҳимоячиси Коклен иккинчи сариқ карточкани олиб, майдонни тарк этди. "Шпорлар" бундан самарали фойдаланиб қолишди. Бурчак тўпидан кейин Алдервейрелд ҳисобни тенглаштирган бўлса, орадан 2 дақиқа ўтиб Ҳарри Кэйн қанотдан чиройли зарба билан жамоани олдинга олиб чиқди.

Венгер шогирдлари бир киши кам бўлиб ўйнаётганларига қарамай, ҳисобни тенглаштира олишди. Беллериннинг узатмасидан кейин Алексис Санчес жарима майдончасига кирди ва олис бурчакни аниқ нишонга олди.

Ушбу ўйинда икки жамоа 1 очкони қўлга киритгандан кўра 2 очкодан йўқотишди. Бу йўқотиш "Лестер"га жуда ҳам қўл келиши мумкин.

АПЛ, 29-ТУР
Тоттенхэм – Арсенал 2:2 (0:1, 2:1)
Голлар: 0:1 – 39 Рэмзи, 1:1 – 60 Алдервейрелд, 2:1 – 62 Кейн, 2:2 – 76 Санчес.
Тоттенхэм – Льорис, Виммер, Алдервейрелд, Роуз (Дэвис, 78), Дайер, Алли, Дембеле (Сон Хын Мин, 82), Ламела (Мэйсон, 67), Эриксен, Уокер, Кейн.
Арсенал – Оспина, Мертесакер, Гиббс, Бельерин, Габриэл, Эль-Ненни (Жиру, 75), Коклен, Озил (Кэмпбелл, 90), Рэмзи, Санчес, Уэлбек (Фламини, 85).
Огоҳлантиришлар: Бельерин (26), Ламела (28), Коклен (29), Санчес (66), Дайер (73).
Четлатиш: Коклен (55).