“Қўқон-1912” – “Обод” учрашувидан кейин ўтказилган матбуот-анжуманининг иккинчи  қисмида мезбонлар  бош мураббийи Муроджон Исмоилов иштирок этди.

— Мавсумнинг биринчи ўйинида ғалаба қозониб, мухлисларимизни қувонтирдик. “Обод” жамоаси менда яхши таассурот қолдирди. Футболчилар бир-бирини яхши тушуниб ҳаракат қилишди. Ўзимизнинг ўйинимизга келадиган бўлсак, машғулотларда қўллаган тактикамиз иш берди. Гол айнан машғулотлардаги меҳнатлар маҳсули бўлди. Энг асосийси мавсумни ғалаба билан бошладик.

— Янги келган футболчиларнинг бугунги ўйиндаги ҳаракатларидан қониқиш ҳосил қилдингизми?
— Бугун шогирдларим ўйинидан қониқиш ҳосил қилдим. Тўғри, хатолар бор. Лекин булар устида иш олиб борамиз. Энг асосийси, ғалаба қозондик. Кейинги ўйинларда ҳам ғалаба қозонишга ҳаракат қиламиз.