Профессионал бокснинг супероғир вазн тоифасида собиқ жаҳон чемпиони ҳамюртимиз Руслан Чагаев (34–3–1, 21 КО) австралиялик Лукас Браун (24–0, 21 KO)га қарши кечган жангнинг 10-раундида техник мағлубиятга учраган эди. айни пайтда Чагаевнинг жамоаси ушбу ҳолат юзасидан апелляция беришга тараддуд кўряпти.
“Мен ушбу ҳолат юзасидан менежеримга апелляция беришимизни айтдим. Ҳалигача жангнинг нима сабабдан тўхтатилганини била олмаяпман. Рақиб зарбасини ўтказиб юбориб йиқилганимни тан оламан. Лекин менда бош айланиш ҳолати кузатилмади. Йўқ, мен ўзимни оқлашга уринмаяпман. Шунчаки, жанг тўхтатилмаслиги керак эди. Биз спортчилар ҳамиша охиригача жанг қилишга тайёрмиз”, - деди Чагаев.
