"Пахтакор" - "Андижон" учрашувидан кейин мураббийлар матбуот анжуманида иштирок этишди.

Бахтиёр АШУРМАТОВ ("Андижон" бош мураббийи): - Йигитларда биринчи ўйиндаги ҳаяжон сезилди ва ўзимизни тўлиқ кўрсата олмадик. Биринчи бўлимда тезкор гол руҳан таъсир қилди. Иккинчи бўлимда эса яхшироқ ўйнадик. Ҳисобни қисқартириб, ўйин охиригача кескинликни сақлаб қолдик. Ҳали жисмонан ва жамоавий ўйинни яхшилаш устида иш олиб борамиз.

Футболчиларни тўлиқ билмаслигим мумкин, чунки расмий ўйинларда уларни энди кўряпман. Таркибни аниқлашда хатога йўл қўйгандирман, балки. Уларни иш жараёнида яхшироқ билиб, ўйинимизни кучайтириб борамиз.