Хабар берганимиздек, сайёрамизнинг собиқ биринчи рақамли теннис маликаси россиялик Мария Шарапованинг қон таркибида тақиқланган модда борлиги аниқланганди. Мариянинг ўзи бир неча йил мобайнида милдронат номли препарат истеъмол қилганлигини тан олган. Бу модда 2016 йилдан Халқаро антидопинг (WADA) ташкилоти томонидан тақиқланган препаратлар қаторига киритилган.
“Мен фаолиятимни шундай ҳолатда якунлаш ниятида эмасман. Ўйлайманки, менга яна имконият беришади. Мен катта хатога йўл қўйдим. Бу билан мен мухлисларимни уялтириб қўйдим. Тўрт ёшимдан бери теннис ўйнайман. Бу қилмишим билан теннисга иснод келтирдим”, - деди Шарапова.
Айни пайтда Мария Шараповага қандай жазо тайинланиши ҳали маълум эмас. Яқин кунларда бу масалага ойдинлик киритилади. Аввалроқ, худди шу модда украиналик биатлончилар Ольга Абрамова ва Артем Тищенкода ҳам топилгани хабар қилинганди
