Сербия Суперлигасида 26-тур учрашувлари старт олди.
Миллий терма жамоамизга номзод футболчи саналадиган Ҳусниддин Ғофуров фаолият олиб бораётган Иваницанинг “Явор Матис” жамоаси бу турда ўз уйида “Радник” жамоасини қабул қилди. Анчагина қизиқарли тарзда ўтган мазкур матчда ўйиннинг 21-дақиқасида Самуел Овусу томонидан киритилган гол учрашув тақдиринии ҳал этди ва “Радник” сафарда ғалаба қозонди.
“Явор” сафида ҳамюртимиз ўйинни бошланғич таркибда бошлади ва 81 дақиқа ўйнади. Сўнг у жамоадоши Иван Йозовичга ўз ўрнини бўшатиб берди.
26-турдан сўнг “Явор” 31 очко билан мусобақа жадвалининг 9-поғонасини эгаллаб турибди.
