“Лестер Сити” жамоаси бош мураббийи Клаудио Раньери клуб футболчиларига чемпионлик ҳақида орзу қилишда давом этиши кераклигини айтиб ўтди.
“Ўтган мавсум якунланишига 9 тур қолганида “Лестер” хавфли зонадан жой олган ва АПЛда жон сақлаб қолиш учун курашганди. Футболчиларга доим бир нарсани таъкидлайман: бу ўзгача мавсум, бунақаси бошқа бўлмаслиги мумкин. Гранд жамоаларда муаммолар кўп, биз эса сифатли футбол намойиш қиляпмиз. Мен футболчиларга чемпионлик ҳақида орзу қилишни айтаман. Бунинг ҳеч қандай ёмон жойи йўқ”, – дейди италиялик мураббий.
