Бугун кундузи Эроннинг Исфаҳон шаҳрига етиб келган “Локомотив” футболчилари бугуннинг ўзида шу ерда машғулот олиб боришди. Машғулот жамоамизнинг ОЧЛдаги рақиби “Сепахон” клубига қарашли майдонда бўлиб ўтди.
Машғулотни одатдагидек Мирко Йеличич билан Андрей Микляев ўтказишди, Пётр Гизимчук эса дарвозабонларни шуғуллантирди. Йигитларнинг кайфияти жойида, ҳамма фақат ғалабани ўйлаяпти. Эртага футболчиларимиз учрашув бўлиб ўтадиган стадионда расмий машғулот ўтказишади. Бундан ташқари ўйинолди матбуот анжумани билан менежерлар йиғилиши ҳам ташкил этилади.
