УЕФА Европа Чемпионлар лигасининг финал учрашуви учун чиқарилган чипталарнинг тоифаларига кўра баҳоларини эълон қилди. Чемпионлар Лигаси-2015/2016 финал учрашуви учун энг арзон чиптани 70, энг қимматини 440 еврога харид қилиш мумкин.
Бу йилги финал учрашуви Италиянинг Милан шаҳридаги Жезеппе Меацца номли “Сан-Сиро” стадионида ўтказилади. Ушбу стадион ўз бағрига 71 500 томошабинни сиғдира олади.
Ҳар икки жамоа мухлислари учун 20 мингта чипта ажратилган. Олти мингта чипта эркин савдога чиқарилади. 25 500та чипта эса маҳаллий ташкилий қўмита, миллий ассоциациялар, ҳомий ҳамда ҳамкор ташкилотларга тақдим этилади.
