"Сепахон" - "Локомотив" (0-2) учрашувидан сўнг матбуот анжумани ўтказилди ва журналистларнинг саволларига Андрей Микляев ва Марат Бикмаев жавоб берди.

“Биз бу ерга 3 очко учун келгандик, биз уни қўлга киритдик ва бундан барча хурсанд. Мен барча футболчиларга ўз миннатдорчилигимни билдираман. Улар бу ўйинда барча кўрсатмаларимизни бажаришга ҳаракат қилишди. Бугун бизнинг омадиз келди, омад эса кучлиларга кулиб боқади. Ўзимизнинг кучли тарафларимизни кўрсатишда бизга об-ҳаво таъсир қилди, жамоам бугун майдонни барча жойида вазият сўнгига қадар курашди. Кеча машғулотлар давомида ҳаво яхши эди, бугун эса кучли шамол ва ёмғир ўйинга ўз таъсирини ўтказмай қолмади. Ҳар қандай кучли жамоа ҳар қандай об-ҳаво шароитида ўйнай билиши керак.  Бизни жуда яхши кутиб олишди, бунинг учун мезбонларга рахмат айтаман”, - дея мураббий ўз сўзларини якунлади.

Шундан сўнг Марат Бикмаевга ҳам ўз фикрларини билдирди.
“Ўйин жудаям оғир ўтди, шунга қарамай биз уч очкони қўлга киритдик. Бугун биз рақибдан кучлироқ эдик. Гол урганимиздан сўнг ҳам тўхтаб қолмадик ва ўзимизга керакли натижага эришдик”, - деди футболчимиз.