Ўйиндан кейинги матубот анжуманида "Тракторсозий" иштирок этди ва журналистлар саволларига жавоб берди.

— Аввало айтишим керакки, ўйинни фаол бошладик. Иккинчи бўлимда биз ўйинни бошқардик. Бир футболчимизнинг ҳужжатлари билан боғлиқ муаммо сабабли режаларимиз ўзгариб кетди. Умуман олганда, яхши ўйнадик, афсуски натижа яхши бўлмади. Яхши ўйнаб туриб, мағлуб бўлдик. "Пахтакор"ни ғалаба билан табриклайман, — дейди "Тракторсозий" бош мураббийи.

— Жамоа нега ҳужумда прессинг қилмади?
— "Пахтакор" дарвозасига яқинроқ ўйнашга ҳаракат қилдик. Бироқ охирги пасни ноаниқ оширдик. Шу боис ҳам гол ура олмадик.

— Жамоа 6 ўйинлик мағлубиятсиз сериясига якун ясалди. Бундан ташқари "Тракторсозий" 8та ўйиндан буён гол уриб келаётганди. Шунга қарамай, биз яхшироқ ўйнадик дедингиз. Бугун жамоангиз ўз савиясидан паст ўйнадими?
— Шунчаки бизга омад етишмади ва гол ура олмадик. Бу шунчаки футбол. Ўйинда кўрганингиздек, вазиятлардан фойдаланолмаслик бизга панд берди. Бошқа сабаб йўқ. Бундан ташқари сўнгги турларда кучли жамоаларга қарши ўйинлар ўтказганимиз сабабли футболчилар чарчаган эди. Шу ҳолат ҳам бизга халақит қилди.

— "Тракторсозий"нинг гуруҳдан чиқиш имкониятларини қандай баҳолайсиз?
— Гуруҳда ҳозирча биринчи ўриндамиз. Бундан ташқари ўз майдонимизда яна иккита баҳс ўтказамиз. Менимча, гуруҳдан чиқиш учун имкониятларимиз яхши.

— Гуруҳдаги қайси ўйин оғир бўлди?
— Барча ўйинлар қийин ўтди. Масалан, "Ал-Жазира"ни 4:0 ҳисобида мағлуб этган ўйинимизда биз бунчалик кўп ҳужум қилмагандик.