Хабарингиз бор, эртага Европа Чемпионлар лигаси нимчорак финал баҳслари доирасида "Барселона" ҳамда "Арсенал" жамоалари ўртасида жавоб учрашуви бўлиб ўтади. Ушбу баҳсдан олдин каталонияликлар посбони Тер Штеген ўйин ҳақида ўз фикрларини айтиб ўтар экан, лондонликлар сафида Месут Ўзилни алоҳида таъкидлаб ўтди.
"Футболчи сифатида Ўзил худди Мессига ўхшаб тасаввур қилиб бўлмайдиган ишларни қила олади. У иқтидорли футболчи, мен Ўзил билан икки ёки учта ўйинда бирга ўйнаганман, айтишим мумкинки Германия терма жамоасидаги кучли футболчилардан бири. Ўзилга бизни жазолаши учун имкон бермаслигимиз керак".
"Эртага қийин ўйин бўлишианиқ, чунки гарчи биз илк ўйинда ғалаба қозонган бўлсак-да, чорак финалдамиз дегани эмас. Эртага ғалаба қозонишимиз зарур. Рақиб ҳам анойи эмас, улар Европанинг энг кучли клубларидан бири. Биз эса, худди бошқа ўйинларда бўлгани каби ғалаба қозонишимиз шарт".
