«Арсенал» жамоаси бош мураббийи Арсен Венгер ЕЧЛнинг нимчорак финали доирасида «Барселона»га қарши кечадиган учрашув арафасида ўз фикрларини билдириб ўтди.

«Барселона» жамоасидаги сеҳргарлар биздан яхши ҳимояланишни талаб қилишади. Биринчи ўйиндаги ҳаракатларимиз ҳам ёмон бўлмаганди, лекин биз ўйин охирида балансни йўқотдик ва хатоларимиз учун тўладик.

Ҳозир биз шундай вазиятдамизки, ҳисоб-китоб билан шуғулланишнинг ўрни эмас. Биз ҳужумда ўйнашимиз ва голлар уришимиз кераклигини биламиз.

Биз тушкунлик даврини бошдан кечирдик. Энди кучли ва хотиржам бўлиб қолиш муҳим. Биз кўп марта халқаро ўйинларда сафарда ғалабалар қилганмиз, аммо ҳали Каталониядан ғалаба билан қайтмаганмиз. Футболчилар бирлашиб, ўйинда яхши ҳаракат қилиш учун тайёрланишмоқда», – дейди Венгер.

Жамоаларнинг 2 ҳафта олдин Лондонда ўтказилган учрашувида 2:0 ҳисобида каталонияликлар ғалаба қилишганди. Жавоб ўйини 17 мартга ўтар кечаси Тошкент вақти билан соат 00:45да бошланади.