Хабарингиз бор, кеча Осиё Чемпионлар Лигаси гуруҳ босқичи 3-тур учрашувлари доирасида Тошкентнинг “Бунёдкор” жамоаси Эроннинг “Зоб Аҳан” клубига қарши баҳс олиб борди.
“Қалдирғочлар” ҳар қанча уринишмасин, мазкур матчда тўп киритиш ҳеч бир жамоага насиб этмади ва якунда 0:0 ҳисоби қайд этилди. “Бунёдкор”ни шу куни майдонга сардор сифатида бошлаб тушган тажрибали футболчи Шакер Зуаги “Зоб Аҳан”га қарши ўтган матч борасида фикрларини билдириб ўтди.
- Афсуски, ҳар қанча ҳаракат қилмайлик “Зоб Аҳан”ни мағлуб эта олмадик. Жамоамиз ўйин давомида бир нечта жуда қулай имкониятлар ярата олди. Аммо уларни голга айлантириш бобида омадимиз чопмади. Рақиб эса аксинча мудофаада жуда тартибли ўйин намойиш эта олди.
Мен энди-энди жароҳатдан қутуляпман. Шу боисдан ҳам жисмоний ҳолатимни оптимал деб бўлмайди. Шундай бўлса ҳам майдонда боримни беришга интилдим. Зеро бундай юқори савиядаги учрашувларда футболчи бор кучи билан ўйнаши лозим бўлади.
Бу сафар ғалаба қозона олмаган бўлсак ҳам гуруҳдан чиқиш имкониятимиз бор. Агар келаси учрашувларни “Ал Наср” билан бўлган ўйиндаги каби ўтказа олсак, плей-оффга чиқа оламиз. Ўйлашимча, гуруҳдан чиқиш иложсиз нарса эмас. Сабаби бизнинг гуруҳда куч борасида тенг жамоалар йиғилган. Энди биздан Эронда ғалаба фақат ва фақат ғалаба қозниш талаб этилади, - дейди тажрибали футболчи SPORTS.uz мухбирига.
