Сербия Кубоги ярим финал дастлабки учрашувлари ўтказилди.

Ҳамюртимиз Ҳусниддин Ғофуров фаолият олиб бораётган Иваницанинг “Явор” жамоаси Чачакнинг “Борац” клубига қарши баҳс олиб борди. Анчагина қизиқарли ва муросасиз руҳда кечган мазкур беллашувда “Явор” 2:1 ҳисобида ғалаба қозонди ва жавоб ўйини олдидан финалга чиқиш учун яхши имконият хосил қилиб олди.

Сербия Кубоги, ярим финал.

Явор Матис ( Иваница ) - ФК Борац ( Чачак ) 2:1

Голлар: Элиомар Силва (7), Стефан Дражич (49) – Миролйуб Костич (55)

Ўзбекистон терма жамоасига номзод футболчи саналадиган ҳужумкор ярим ҳимоячи Ҳусниддин Ғофуров ўйинни илк дақиқаларданоқ майдонда бошлади ва тўлиқ 90 дақиқа ўйнади. Жавоб баҳси 20 апрель санасида бўлиб ўтади.