Португалия терма жамоаси Euro-2016 мусобақасида иштирок этадиган кийимларидан бирини намойиш қилди. Кийим жамоа учун анъанавий қизил рангда, тўқ-қизил енг ва яшил гетралар кўринишида ишланган.
Жамоа янги кийимда 25 мартда Болгарияга ва 29 мартда Бельгияга қарши ўртоқлик учрашувларида майдонга тушади.
Ушбу кийим тақдимот ролигида жамоа футболчилари Андре Андре, Вильям Карвалью, Данилу ва Жоау Мариолар иштирок этишди, бироқ жамоанинг бош юлдузи Криштиану Роналду унда кўринмади.
Франция термаси ҳам Евро-2016 учун ўз кийимини тақдим қилди. Французларнинг техник ҳамкори сифатида Nike компанияси чиқмоқда.
Таъкидлаш жоизки, мусобақани қабул қиладиган мамлакат жамоаси “уч рангли” уй кийимида яна қизил ранг берилмаган, бироқ кўк рангнинг икки тусидан фойдаланилган.
Шунингдек, Англия термаси ҳам Евро-2016 учун ўз кийимини тақдим қилди. Жамоа 26 мартдаги Германияга ва 29 мартдаги Голландияга қарши ўртоқлик учрашувларида майдонда айнан шу кийимда ҳаракатланади.
Жамоа матбуот хизматининг маълум қилишича, жамоа асосий оқ ранг ва ҳаворангдаги енг кўринишида ишланган янги кийимдан шу ойдан бошлаб фойдаланишни бошлайди.
