«Манчестер Юнайтед» бош мураббийи Луи ван Гал Европа лигасининг нимчорак финал босқичи доирасида «Ливерпуль»га қарши жавоб ўйини (1:1) борасида ўз фикрларини билдириб ўтди.

«Жуда ҳам ачинарли. Кейинги босқичга чиқишни мақсад қилгандик. Биз ғалаба қозониш учун етарлича вазиятлар яратдик. Лекин ҳужумга ўтадиган бўлсак, "Ливерпуль"да қарши ҳужумда имкониятлар юзага келишини билардик.

Танаффусга чиқиш олдидан аламли гол ўтказиб юбордик. Агар бу голни ўтказмаганимизда, ғалаба биз томонимизда бўлиши мумкин эди.

Ўйинчилар бор кучларини беришди. Ҳаттоки 100 фоиздан ортиқ. Мухлислар буни кўра билганидан хурсандман, ўйин сўнгида мен уларни олқишладим.

Иккинчи бўлимда бизда вазиятлар бўлди. Феллайни бош ва оёқ билан гол уриши мумкин эди. Лекин 3та гол уришимиз керак эди ва бу осон иш эмасди.

«Ливерпуль» ушбу ҳафтада дам олди, биз эса «Вест Хэм» билан ўйнадик. Шунингдек, бизга бироз омад керак эди, лекин мураббийнинг бундай гапириши тўғри эмас», – дейди ван Гал.