«Локомотив» ярим ҳимоячиси Дмитрий Тарасов Европа лигасининг 1/16 финал босқичи доирасида «Фенербахче»га қарши ўйиндан кейин Россия президенти Владимир Путин расми туширилган футболкани намойиш қилгани учун дисквалификация қилинмайдиган бўлди.
УЕФА тартиб интизом қўмитаси футболчининг ҳаракатини этика тўғри келмайди деб ҳисоблади ва шундай қарорга келди. Тарасов 5 минг евро миқдорида жаримага тортилди.
Қоидага кўра, футболчи ўйин пайтида сиёсий, диний характердаги ёзувлар, фикрлар ва суратлар туширилган ичкийим кийиши тақиқланади.
Аввалроқ Тарасов 10та ўйинга дисквалификация қилиниши мумкинлиги ҳақида хабар тарқатилганди.