Кеча “Локомотив” футбол мактабининг 1998-99, 2000, 2003, 2004 йилларда туғилган тарбияланувчилари Россиянинг Краснодар ўлкасида жойлашган Геленжик ва Новороссийск шаҳарларида бўлиб ўтадиган баҳорги “Краснодар ўлкаси Кубоги”да қатнашиш учун учиб кетишди.

Эркин Саидов раҳбарлигидаги футбол мактаб ёшлари икки босқичдан иборат мусобақада ўз тенгқурларига қарши майдонга тушадилар.

I босқич — 19 мартдан (мусобақа очилиш маросими) 27 мартга қадар (мусобақа ёпилиш куни).
— 1999, 2000, 2003, 2004, 2005 ва 2008 йилларда туғилган ўсмирлар ўртасида;
II босқич — 28 мартдан (мусобақа очилиш маросими) 5 апрелга қадар (мусобақа ёпилиш куни).
— 2001, 2002, 2004, 2006, 2007, 2009 йилларда туғилган ўсмирлар ўртасида;

Биринчи босқичда 1998-99, 2000, 2003, 2004 йилларда туғилган футболчиларимиз ўз иштирокларини 19 мартдан бошлайдилар.

Иккинчи босқичда эса 2004, 2006, 2007 йилларда таваллуд топган тарбияланувчиларимиз иштирок этишади. “Локомотив”нинг иккинчи босқичда иштирок этувчи табрияланувчилари 27 март куни мусобақага ташриф буюришади.

Ёш “темирйўлчилар” ўз гуруҳларида “Спартак”, “Анжи”, “Краснодар” ва “Кубан” каби кучли клуб вакилларига қарши баҳс олиб боради.