“Андижанка” аёллар жамоаси айни дамда мини футбол бўйича XII Ўзбекистон чемпионатига қизғин тайёргарлик кўрмоқда.

Бош мураббий Ориф Маматказин кунига икки маҳалдан машғулот ўтказмоқда. Яқинда “Турон-С-2” эркаклар футзал жамоаси билан иккита назорат учрашуви ташкил этилди ва унинг биринчисида “Андижанка” 10:9 ҳисобида имкониятни бой берган бўлса, кейинги учрашувда 6:4 ҳисобида зафар қучди. Мазкур ўйинлар орқали мураббий футболчиларнинг имкониятини яна бир бор кўздан кечириб олди.

Эслатиб ўтамиз, чемпионатнинг навбатдаги ҳал қилувчи босқичи 23-27 март кунлари Тошкент шаҳридаги “Ёшлик” спорт аренасида бўлиб ўтади. Жамоамиз вице-президенти Абдисаломов Маъруфжон Жамолдинович бу йил олтин медалларни қўлга киритиш вазифасини қўйган.

“Андижанка” жамоаси 22 март сешанба куни эрта тонгда Андижондан Тошкентга жўнаб кетади.