«Арсенал» бош мураббийи Арсен Венгер «Бавария» ва «Барселона»нинг кучини Англия клублари билан таққослади.

«Бавария» ва «Барселона»ни енгиб бўлмайди. «Барселона» билан ўйин натижалари ҳафсалани пир қилди. Боз устига, аввалги тўқнашувларимизга нисбатан бу сафар ютиш имкониятига эга бўлгандик. Улар катта устунликка эга бўлишмади.

Премьер-лига Англия жамоалари учун Чемпионлар лигасига айланган. Ҳар бир ўйин оғир кечади. Шу боис биз Европада жабр чекяпмиз. «Барселона» бизга қарши ўйинлардан олдин майдонда пиёда юриши мумкин. Шанба кунги чемпионат баҳсида улар рақиб даврозасига 20 дақиқа ичида 3та гол уришган. Улар устувор вазифани белгилаб олишлари мумкин, Премьер-лигада бундай қилишнинг иложи йўқ.

Футбол аввало ўйинчиларга, сифатли ўйинчиларга тегишли. Премьер-лига клубларининг даромадлари ошиб борган сари Англияга сифатли ўйинчилар кела бошлади. Ўз вақтида Англия жамоалари ЕЧЛда чорак финал, ярим финалда ўзаро тўқнаш келишарди. Ишончим комил, ўша пайтлар яна келади.

Мен телевидениени айбламоқчи эмасман, лекин Премьер-лига тақвими инглиз жамоаларига ёрдам берадими? Мен йўқ деган бўлардим, аммо бу ўзимизни оқлаш учун баҳона эмас. Аввал шундай тақвим билан Европада муваффақиятли иштирок этардик», – дейди Венгер.