ФИФА кунлари муносабати билан Олйи лигада қисқа танаффус вужудга келди. Бундан унумли фойдаланишга ҳаракат қилаётган “Қўқон-1912” жамоаси бугун Данғара туманидаги стадионда “Нефтчи” ўринбосарларига қарши назорат учрашувини ўтказди.
Ўзига хос дерби мақомига эга бўлган ўйинда ташаббус тўлиқ вакилларимиз томонида бўлди. Биринчи бўлимда ҳисоб очилмаган бўлса-да, Миржалол Қурбонов, Отабек Ҳайдаров ва Наврўз Алимовлар рақиб дарвозасини ишғол этишга яқин келишди. Уларнинг зарбалари дарвоза устунига тегди.
Иккинчи бўлимда янада шиддатли ҳужумлар ташкил этган жамоамиз аъзолари икки марта рақиб дарвозасини нишонга олишга муваффақ бўлишди. Аввалига Азизхон Ибрагимов 61-дақиқада ҳисобни очган бўлса, учрашув якунланиш арафасида, аниқроғи, 88-дақиқада Абдул Азиз Юсупов иккинчи марта фарғоналиклар дарвозасини аниқ нишонга олиб, ғалабани мустаҳкамлади.
Шу тариқа, жамоамиз Ўзбекистон Кубоги 1/8 финал ўйини олдидан ўтказилган ўртоқлик учрашувида ишончли ғалабага эришди.
Назорат учрашуви
“Қўқон-1912” – “Нефтчи” (ўринбосарлар) – 2:0 (0:0)
Голлар: А.Ибрагимов 61, А. Юсупов 88.
“Қўқон-1912”: Андрей Бакланов (Ғайрат Ҳасанов-60), Достон Турсунов, Илья Ильин (Иқбол Маликжонов-63), Фурқат Ҳасанбоев, Сардор Қаҳҳоров (Ориф Мамажонов-70, Миржалол Қурбонов, Отабек Зокиров, Абдуллох Олимов, Баҳодир Акрамов (Ойбек Рустамов-70), Наврўз Алимов (Азизхон Ибрагимов-63), Отабек Ҳайдаров (Абдул Азиз Юсупов).
“Нефтчи” (ўринбосарлар): Абдусаттор Обидов, Абдуқодир Ортиқов (Жавоҳир Қурбонов-62), Ислом Тошпўлатов (Асад Маъмуров), Аброр Исмоилов, Хуршид Асқаралиев (Достон Рашидов-64), Иброҳим Нўъмонов (Шуҳрат Раҳмонов-87), Мўмин маминжонов (Ҳусанбой Ғаниев-70), Сарвар Абдулаев (Анвар Абдулҳақов-56), Отабек Муҳаммаджонов, Аъзам Холматов, Анвар Аминжонов (Миржамол Неъматов-57).
