Аввал хабар берганимиздек, Муборак шаҳрида коллеж ўқувчи ёшлари ўртасида “Баркамол авлод” кубоги мусобоқалари бўлиб ўтди. Ушбу турнирда тўпурар бўлган Муборак саноат касб-ҳунар коллежи талабаси ва “Машъал” академияси тарбияланувчиси Абубакир Муртазоев билан қисқача суҳбат уюштирдик.
-Абубакир сиз тенгдошларингиз ўртасида ўтказилган мусобоқанинг бу йилги тўпурари бўлдингиз, айтингчи жамоангиз олдига қандай мақсад қўйилганди?
– Мақсадимиз бу турнирнинг ғолиби бўлиш эди, аммо бизга финалда бироз омад етишмади. Рақибимиз эса устунликка эришиб ғолиб бўлди, фурсатдан фойдаланиб уларни чемпионлик билан табриклайман.
-Финал баҳсида жамоангиз ниманинг эвазига мағлуб бўлди деб уйлайсиз?
-Нима ҳам дердим финалга қадар етиб келишимизнинг ўзи бир муваффақият, шунингдек рақибимизнинг финалга чиқиши ҳам уларнинг кучли жамоа эканлигидан далолат беради. Айтиб ўтганимдек бизга бироз омад ҳам етишмади. Ҳеч нарсани баҳона қилмоқчи эмасман, майдон ҳолати ажойиб фақат тўп тепиш керак холос, ҳаракат қилдик аммо ғалаба қозона олмадик.
-Турнир бошида тўпурар бўлишни мақсад қилганмидингиз?
-Йўқ буни ўйлаб ҳам кўрганим йўқ, шунчаки мен юзага келган имкониятлардан фойдаландим холос. Шу ерда айтиб ўтишим лозимки, бундай мусобақалар биз каби ёш футболчиларни ўйин амалиётини оширишда муҳим рол ўйнайди. Шунданда ушбу мусобоқани ташкиллаштиришда асосий жонбозлик кўрсатган “Машъал” ПФК мутасадди раҳбарлари ҳамда кулубимиз вице президенти Илхом Қурбоновга миннатдорчилик билдираман.
-Абубакир бу йилдан этиборан сиз “Машъал” жамоасининг ўринбосарлар таркибида ўйнаяпсиз, ёшлар лигасида қандай ўзгаришларни ҳис этдингиз?
-Ёшлар лигасида ҳозирда ҳар ҳолда ёмон ўйин кўрсатмаяпмиз, ҳали мавсум олдинда менимча биз ўзимизни кўрсатамиз.
Суҳбатни Дилшод Сафаров ёзиб олди.
