«Ювентус» дарвозабони Жанлуижи Буффон Италия чемпионатининг рекордини ўрнатди.
Туринликлар посбони А серия тарихида ўз дарвозасини узоқ вақт дахлсиз сақлаган дарвозабонга айланди. Аввалги рекорд «Милан» дарвозабони Себастьяно Россига тегишли бўлиб, у 93/94 йилги мавсумда 929 дақиқа давомида дарвозани "қуруқ" сақлаганди.
"Торино" қарши ўйинда Буффон 4 дақиқа давомида ўз дарвозасидан гол ўтказиб юбормаса, рекордни янгиларди. Жанлуижи буни уддалади.
Шу тариқа, Буффон А сериянинг янги рекордчисига айланди. Ҳозирда ўйин давом этмоқда (ҳисоб - 0:0) ва дарвозабон ўз натижасини яхшилашда давом этмоқда.