Ўзбекистон Кубоги 1/16 финал босқич доирасидаги «Динамо» ва «Нефтчи» жамоалари ўртасидаги учрашувдан кейин «Динамо» катта мураббийи Учқун Қобилов ўйин ҳақида тўхталди.
«Бугунги учрашув биз учун биринчи расмий ўйин бўлишига қарамай, асосини ёшлар ташкил этган «Динамо» жамоамиз бугун анча тажрибали бўлган рақиб «Нефтчи» билан ўйинда ёмон таассурот қолдирмади. Ўйин давомида яхши ҳаракат қилдик. Аммо биргина вазият йўлланма тақдирини ҳал этди. Клуб жорий йилда таркибни янгитдан шакллантириб, Биринчи Лигадан Олий Лигага қайтишни кўзлаган. Бу мавсумнинг бошланиши. Умид қиламанки, биз яхши тайёргарлик кўриб олдимиздаги вазифани бажарамиз» - дейди «Динамо» мураббийи Учқун Қобилов.
