“Ливерпуль” бош мураббийи Юрген Клопп, Коутиньонинг клубдан кетиш эҳтимоли ҳақида гапириб, агар жамоадан кимдир кетмоқчи бўлса, қаршилик кўрсатмаслигини айтиб ўтди.

“Ҳозир клубда ҳаммаси жойида. Бироқ, Мессидан бошқа барча футболчини сотиш мумкин. Фақат у сотилмайди” дейди Клопп.

“Ҳар доим шундай бўлган. Мен ҳам бу ерга энг зўр футболчилари бор ва ўша футболчилар бошқа клублар ўртасида талаш бўлган клубдан келдим. Бу вазиятни тўғри қабул қилиш керак. Сизда ҳар доим, Б ва С режалар ҳам бўлиши шарт”.

“Агар қайсидур футболчи ёнимга келиб ўзини ноқулай ҳис қилаётганини ва ўйин услубимиз ёқмаётганини, кўпроқ пул топиш учун жамоадан кетишни исташини айтса, мен қаршилик кўрсатмайман. Коутиньо, Фирминьо ва яна бир нечта футболчилар жамоа ишончи. Бироқ, футболчи бошқа клубга ўтишни истаса, марҳамат, мен унга қўл узатиб хизматлари учун раҳмат айтиб хайрлашаман. Мен менинг жамоамда бўлишни истамаган футболчини ўз жамоамда олиб қолмайман. Бундай муаммолар йил бўйи ҳал қилинмайди. Агар бутун йил давомида шундай муаммо билан бошингни қотирган футболчи бор бўлса, у яхши футболчи эмас”.