Жорий йилги мавсум сўнггида Франческо Тоттининг “Рома” билан тузган амалдаги шартномаси якунига етади. Аммо Рим клуби раҳбарияти Тотти билан ҳамкорликни тўхтатиш ниятида эмас.
Corriere dello Sport нашрининг ёзишича, римликлар Тоттини олиб қолишга ҳаракат қилишади. Шу боисдан унга катта эҳтимол билан янги шартнома таклиф этилади. Лекин янги шартнома имзоланиши билан аллақачон 39 ёшни қаршилаб қўйган Тотти MLSнинг бирор клубига ижарага берилади. Чунки Лучано Спаллеттининг Франческога етарли ўйин амалиёти тақдим этишига ҳеч ким юз фоиз кафолат бера олмайди.
Таъкидлаш жоизки, “Рома” раҳбарияти Тоттини кейинчалик жамоага устозлик қилишини истамоқда. Шу сабабли ҳам уни клуб тизимида олиб қолиш режа қилинган.
