Қишки трансферлар вақтида «Рома»дан Хитойнинг «Хэбэй Чжунцзи» жамоаси сафига бориб қўшилган Жервиньо бу жараён ҳақида гапириб берди.

«Менга рад этиб бўлмайдиган таклиф беришди. Албатта бу таклиф менинг ўйин савиямни ҳисобга олинган ҳолда берилган. Мен бундай маошни оқлай оламан. Тан олиш керакки, бундай маош одатдаги кишилар учун ақл бовар қилмас даражада, мен учун ҳам бу жуда кўп миқдордаги маош ҳисобланади.

Футболчига бундай пулларни «Реал»да ҳам тўлашмайди. Қолаверса, бу солиқларни чиқариб ташлагандан кейинги маош.

Айтишим мумкинки, ҳар бир урган голим учун 150 минг евро бонус сифатида оламан. Ўйиндаги ғалаба учун жамоа футболчиларига 800-900 минг ёки миллион евро ажратилади», – дейди Жервиньо.

Эслатиб ўтамиз, Жервиньо Хитой клубига ўтганида у жамоасида йилига 10 млн евро маош олиши, қўшимча маошлар бўлиши ҳақида маълум қилинганди.

28 ёшли ивуарлик футболчи Хитой олий лигасининг биринчи турида янги жамоаси сафида «Гуанчжоу Фули»га қарши ўйин ўтказди ва 2:1 ҳисобидаги ғалабага ўзининг бир голи билан ҳисса қўшди.

У билан бирга жамоада «Севилья»нинг собиқ футболчиси Стефан Мбиа ҳамда «ПСЖ»нинг собиқ аъзоси Эсекиель Лавесси ҳам тўп суради.