Маълумки, эртага 25 март куни жамоамиз Ўзбекистон Кубогининг 1/8финал босқичидан ўрин олган илк учрашувини ўтказади. Сафарда «Қизилқум»га қарши кечадиган баҳсга жамоамиз Тошкентдаги «Геофизика» қароргоҳида жиддий тайёргарлик кўрди.
Бугун эрта тонгда жамоамиз аъзолари Тошкент темирйўл вокзалидан Навоий шаҳри томон йўлга чиқди.
Тушликдан сўнг эса “бургутлар” кўзланган манзилга етиб келди. Айтиш керакки жамоамиз аъзолари шаҳардаги кўркам меҳмонхоналардан бири бўлган “Зарафшон” отелига келиб жойлашди.
Бугун кечки соат 17:00да ўйинолди машғулоти ўтказилади.
Эслатиб ўтамиз, жамоамизнинг “Қизилқум”га қарши эртанги учрашуви Навоийдаги “Ёшлар” спорт мажмуаси стадионида бўлиб ўтади. Ўйин бошланиш вақти эса 17:30га белгиланган.
