“Обод” – “Бунёдкор” учрашувидан кейинги матбуот анжуманининг биринчи қисмида элитанинг янги вакили устози иштирок этди.

- Ўйлашимча, учрашув қизиқарли тус олди. Аввалдан ўйлаб қўйган режаларимиз амалга ошди. “Бунёдкор”дек рақиб билан дуранг ўйнаганимиздан хурсандмиз. Биз рақибга эркин ўйнаш учун имкон бермадик. Шу боисдан ҳам “Бунёдкор”нинг ўйини ўхшамади, деб ўйлайман. “Бунёдкор”нинг дарвозабони бўш ўйин кўрсатди, демаган бўлардим. Очиғи, Акбар Тўраевнинг ҳатти-ҳаракатларида салбий жиҳатларни кўрмадим. Бизда посбоннинг алмаштирилиши олдиндан ўйинланган режа эди. Олдинда ўйинлар кўп. Шунга яраша тайёргарлик кўрганмиз. Захирадан ўйинга қўшилаётган футболчиларимизга ҳам ишонамиз, - дейди Бобур Зухриддинов.