Кеча бўлиб ўтган “Навбаҳор” – “Қўқон-1912” жамоалари ўртасидаги баҳсни бевосита стадионда кузатиб бориш учун Қўқон шаҳридан ҳам юзлаб мухлислар ташриф буюришди. Умуман олганда, Илҳомжон Қундузов ва Қаҳрамонжон Исроиловлар бошчилигидаги мухлислар клуби бу йил ҳам жамоамизни ёлғизлатиб қўйишмаяпти. Кечаги учрашувга ташриф буюрган қўқонлик футбол мухлислари уйларига хурсанд ҳолда қайтишгани аниқ. Ахир уларнинг севимли жамоалари сафардан ғалаба билан қайтди. Мухлисларнинг қўллаб-қувватлашлари футболчиларимизга қўшимча куч бағишлагани шубҳасиз.
“Қўқон-1912” жамоаси ўз мухлислари билан фахрланади.
Қуйида водий дербисига бағишланган фотогалерея билан танишинг:
Қўқонлик футбол мухлислар бутун ўйин давомида футболчиларимизни олқишлаб туришди. Ўз навбатида жамоамиз аъзолари уларга ажойиб ғалабани тақдим этишди. Ўйлаймизки, мавсум давомида мана шундай ёқимли лаҳзалар кўп бўлади.
Булар эса наманганлик мухлислар. Уларнинг севимли клублари мағлубиятга учраган бўлса-да, наманганлик футбол ишқибозлари ҳакамнинг финал ҳуштаги янграши билан “Қўқон-1912” жамоасини ғалаба билан табриклаб футболчиларимизни ўринларидан турган ҳолда олқишлашди. Бунга қойил қолиш керак.
