Бир кунлик дам олишдан сўнг бугун футзал бўйича мамлакат 20-миллий чемпионати олий лигасида 4-тур учрашувлари давом эттирилади. Бугунга белгиланган ўйинларни Тошкентнинг “Бунёдкор” ҳамда пойтахт вилоятининг “Максам Чирчиқ” жамоалари бошлаб беришади.
Амалдаги чемпион “Олмалиқ” эса пойтахтнинг “Пахтакор” жамоасини синовдан ўтказади. Бу учрашув соат 14.00да бошланади. Шунингдек, бугун “Ардус” – “Турон”, “Локомотив” – “Нафис” ҳамда “Дўстлик AIN” – “Когон” жуфтликлари ҳам ўзаро ўйинда майдонга тушишади.
Эртага турнинг сўнгги куни барчанинг диққат эътибори “Олмалиқ” – “Ардус” учрашувига қаратилади. Чемпионлик учун асосий даъвогарлар ўртасидаги ўйин натижаси турнир жадвалига сезиларли ўзгариш киритиши мумкин.
