"Бунёдкор"га қарши учрашувдан сўнг (0:0), "Машъал" устози Александр Хомяков матбуот анжуманида иштирок этди.

"Асосий вазифамиз мағлубиятга учрамаслик эди. Учрашув томошабоп бўлди дея олмайман. Мақсадимизга эришганимиздан хурсандман. Аввалги ўйинларга келадиган бўлсак, доимо биринчи бўлиб ҳисобни очдик, аммо учрашувларни қониқарли ҳисобда якунлай олмадик. Бунга жавоб бериш қийин. Дуранг учун ўйнадик ва унга эришдик.

Шаҳбознинг учрашувдаги вазифаси бутун майдон бўйлаб югуриш эмас. Тўғри, у оптимал формада эмасдир. Шу туфайли унга тўпни сақлаш ва уни жамоадошига ошириш ҳамда стандартлардан унумли фойдаланиш вазифасини берган эдик.

Футболчиларни захира ёки асосий таркиб ўйинчиси деб ажратмайман. Ким баҳсга тайёр бўлса, уша майдонга тушади", - дейди Александр Хомяков.