Олий лига. 3-тур. 1 апрель
«Локомотив» (Тошкент) – «Нефтчи» (Фарғона)
Ҳакамлар: В. Цейтлин (Тошкент), Р. Серазетдинов (Тошкент), Р. Шояхметов (Тошкент), Д. Каримов (Тошкент)
Назоратчи: Ш. Жумаев (Қарши).
ЎзПФЛ вакили: С. Ризаев.
“Локомотив” ва “Нефтчи” олий лигада 22 бор тўқнаш келишган. Натижалар “Локомотив”нинг устунлигини кўрсатмоқда.
“Локомотив” 12 марта ғалаба қозонган, “Нефтчи” ҳисобида 7та ғалаба мавжуд. Учта баҳсда дуранг қайд этилган. “Нефтчи” ўзаро ўйинларда 31 гол урган, “темирйўлчилар” эса 35 марта фарғоналиклар дарвозасини ишғол этишган. Фарғона жамоаси ўзаро ўйинларда 24, “Локо” эса 39 очкога эга чиққан. Фарғоналикларнинг ўзаро ўйинлардаги энг йирик ғалабаси 4:0га тенг бўлса, “Локомотив”да бу кўрсаткич 4:1га тенг.
Ўтган мавсум 2-тур Тошкентда ўтган баҳсда Дамир Кояшевич гол уриб мезбонларни ҳисобда олдинга олиб чиққанди. Танаффусдан сўнг Рўзимбой Аҳмедов пенальтидан тўп киритиб ҳисобни тенглаштирган – 1:1. Фарғонада эса Темурхўжа Абдухолиқов ва Мўйдин Мамазулумовнинг голларига мезбонлар вакили Мурод Бобожонов жавоб берган – 1:2.
Тошкентда ўтган барча ўйинлар:
22.03.2015 «Локомотив» – «Нефтчи» 1:1
02.11.2014 «Локомотив» – «Нефтчи» 4:2
24.10.2013 «Локомотив» – «Нефтчи» 3:1
15.04.2012 «Локомотив» – «Нефтчи» 1:1
13.03.2010 «Локомотив» – «Нефтчи» 3:1
05.03.2009 «Локомотив» – «Нефтчи» 2:1
02.11.2008 «Локомотив» – «Нефтчи» 4:1
16.04.2007 «Локомотив» – «Нефтчи» 1:3
28.06.2006 «Локомотив» – «Нефтчи» 1:0
11.08.2005 «Локомотив» – «Нефтчи» 2:1
05.06.2004 «Локомотив» – «Нефтчи» 0:1
Ўзаро ўйинлардаги факт: “Локомотив” ўз майдонида ўтган 11та ўйиннинг 7тасида зафар қучган. “Нефтчи” икки марта (2004 ва 2007 йилларда) Тошкентдан уч очко билан қайтган. Пойтахтда бу жамоалар икки марта дуранг қайд этишган. Сўнгги 7та ўйинда “темирйўлчилар” ўз уйларида “Нефтчи”га мағлуб бўлмаган.
