Хабарингиз бор, кеча ўтказилган Ла лиганинг 31-тури доирасидаги эл-класикода "Барселона" клуби ўз уйида 1:2 ҳисобида мағлуб бўлди.
Мавсумнинг илк учрашувида Луис Энрике шогирдлари Мадридда 4:0 ҳисобида зафар қучган, бироқ у пайтда "Реал" мураббийи Бенитес эди. Шу сабабдан ҳам ушбу эл-класико икки жамоанинг ўтмишдаги буюк футболчилари учун мураббий сифатидаги илк муҳим тўқнашуви эди.
Гарчи ўйинда "Барселона" ҳисобда олдинга чиқиб олган бўлса-да, кейинчалик Зидан шогирдлари икки зарба билан "Барселона"ни Ноу Кампда тиз чўктирди. Машҳур "Шум бола" фильмидагига ўхшаб, Зидан рақиб мураббийи Энрикени биринчи зарбада тиззасигача, иккинчи зарбада елкасигача Ноу Кампда кўмиб қўя қолди.
Қуйида сайтимиз карикатурачи рассоми Жавлон Назаровнинг карикатурасида ҳам айна ушбу ҳолатни тасвирлаб берганини кўриб баҳо беришингиз мумкин.
