Бразилия терма жамоаси собиқ футболчиси Роналдиньо фаолиятини Перуда давом эттиради. У бу ерда иккинчи дивизион клуби "Сьенсиано" шарафини ҳимоя қилади.
Ижтимоий тармоқдаги клуб расмий саҳифаларидан бирида 36 ёшли футболчининг видеоси пайдо бўлган ва унда Роналдиньо шундай фикр билдирган:
– Салом, мен Роналдиньоман ва шу клуб шарафини ҳимоя қиламан. Дўстларим Кускода ва тез орада уларга қўшиламан.
Бразилиялик форвард бу ерда бир неча учрашув ўтказиши кутилмоқда. Шундан сўнг у MLS ёки Хитой чемпионати клубларидан бирига йўл олади.
