Италия терма жамоаси ҳамда "Ювентус" клуби собиқ ҳужумчиси Алессандро дель Пьеро Антонио Контенинг "Челси"даги фаолияти муваффақиятли бўлишига ишонмоқда.
– Англия Премьер-лигаси Контега жуда мос тушади, Чунки у ўз ишини яхши кўрадиган, қатъиятли ва жавобгарликни ҳис қиладиган мутахассис, – дейди дель Пьеро Fox Sportsга. – Шунингдек, у жуда хушмуомала одам. Буни терма жамоа ёки клублардаги футболчилар билан мулоқотида кўриш мумкин.
Эслатиб ўтамиз, Конте Евро-2016 турниридан сўнг лондонликлар устозига айланади.