Испаниянинг "Барселона" ва Бразилия терма жамоаси собиқ футболчиси Роналдиньо футболчилик фаолиятини Перуда давом эттирадиган бўлди. У мамлакат иккинчи дивизионининг "Сьенсиано" жамоасида тўп суради. Бу ҳақда, жамоанинг Facebook’даги саҳифасида маълум қилинган.
Аммо, унда 36 ёшли футболчи билан тузилган шартнома муддатига ойдинлик киритилмаган.
Бразилиялик футболчи бир пайтлар ПСЖ, "Барселона" ва "Милан" жамоалари шарафини ҳимоя қилган. Испанияда тўп сурган вақтларида Роналдиньо икки маротаба (2005, 2006) чемпион бўлган. У шунингдек, 2011 йили Италияда "Милан" жамоаси билан ғолиб чиққан. Шунингдек, "Барселона" сафида 2006 йилда Чемпионлар лигаси ғолиби бўлган. 2005 йилда эса, Европанинг энг яхши футболчисига бериладиган “Олтин тўп”ни қўлга киритган.
У Бразилия термаси таркибида 2002 йили жаҳон чемпионлигини қўлга киритган. Миллий терма учун ўтказган жами 96та ўйинида 33та гол уришга муваффақ бўлган.
