"Реал" жамоаси раҳбарияти клуб ҳужумчиси Криштиану Роналду билан хайрлашишга тайёр. Бу ҳақида машҳур журналист Гильем Балаге хабар берди.
Маълумотларга кўра, "Қироллик клуби" президенти Флорентино Перес португалиялик юлдузни 60 млн еврога сотиб юборишга тайёр. Роналдунинг агентлари "Реал" билан оптимал қарорга келиш борасида музокаралар ўтказмоқда.
Роналдунинг ўзи эса янги клубга ўтса, йиллик маоши камида 20-25 млн евро бўлишини истамоқда.
Аввалроқ унинг хизматларига "Манчестер Юнайтед" ва "ПСЖ" клуби қизиқаётгани ҳақида хабар берилган эди.
