Озарбойжон футбол федерациялари ассоциацияси (АФФА) матбуот маркази бошлиғи Микоил Наримонўғли яқинда бўлиб ўтган Озарбойжон - Қозоғистон терма жамоалари ўртасидаги ўртоқлик учрашувини келишилганлиги ҳақидаги хабарларни инкор қилди
26 март куни бўлиб ўтган учрашув қозоқ ОАВ томонидан келишилган дея тахмин қилинган эди. Унга кўра ўйиндан сўнг АФФА вакиллари қозоқларнинг ғалабасидан норози бўлган, ўйин эса 1:1 ҳисоби билан тугаши керак бўлган.
"Озарбойжон иштирокида ўртоқлик учрашувида ҳеч қандай "келишув" бўлиши мумкинмас. Ўз навбатида ўйин дуранг билан тугаши керак бўлгани ва ютқазгач жаҳлимиз чиққани ҳам ёлғон. Бундан ташқари, АФФА рақибнинг меҳмонхона ва машғулот харажатларини зиммасига олмаган. Қўшимча қилиб айтишим мумкинки ҳакамлар гонорари ва трансляцияни АФФА ва ҚФФ 50 га 50 қилиб бўлиб олишди" - дейди Наримонўғли.
