Тошкентннг “Локомотив” жамоаси Осиё Чемпионлар лигасининг 4-турида ўз майдонида Эроннинг “Сепоҳон” клубини қабул қилиб, кичик ҳисобда зафар қучди. Биз ўйинга оид 10 та факт ҳақида тўхталиб ўтамиз.

1. “Локомотив” Осиё Чемпионлар лигасида 12-учрашувини ўтказиб, 3-ғалабасини тантана қилди. Жамоа ҳисобида 3 дуранг ва 6 мағлубият мавжуд. Тўплар нисбати — 18:21.

2. “Темирйўлчилар” учун бу мусобақа гуруҳ босқичидаги юбилей 10-беллашув эди.

3. “Локомотив” ўз майдонида 6 ўйин ўтказиб, иккитадан ғалаба, дуранг ва мағлубият қайд этган. Тўплар нисбати — 10:7.

4. “Локомотив” Эрон жамоаларига қарши тўртинчи ўйинини ўтказди ва иккинчи ғалабасини қўлга киритди. Қолган икки ўйинда Тошкентликлар бир дуранг, бир мағлубият қайд этган.

5. “Сепоҳон” ўзбек жамоаларига қарши 11-марта майдонга тушди. Исфаҳонликлар ана шу ўйинларда 4 бора ғалаба қозониб, 5 марта таслим бўлишган. Қолган икки ўйинда эса жамоа муроса кўчасини танлаган. Тўплар нисбати  — 16:11.

6. Темурхўжа Абдухолиқов ЧЛда “Локомотив” либосида умумий ҳисобда учинчи голини урди ва бу борада Бикмаев ва Мирзаевга етиб олди. Эндиликда ушбу уч футболчи клуб тўпурарлари бўлиб туришибди.

7. Абдухолиқов турнирдаги умумий голлари сонини 7 тага етказди ва бу борада Одил Аҳмедовга етиб олди. Ушбу футболчилар ОЧЛда ўзбек клублари сафида энг кўп гол урган футболчилар рейтингида 5-6 ўринларни эгллаб туришибди.

8. Тошкент жамоаси турнирда учинчи марта ўз дарвозаси даҳлсизлигини сақлаб қолди.

9. “Локо” ЧЛ гуруҳ босқичининг 4-турида иккита ўйин ўтказиб, ҳар иккисида ҳам зафар қучган. Тўплар нисбати  — 6:0.

10. Исфаҳонликлар ушбу турнирда сафардаги охирги 5 ўйинда ғалаба қозона олишмаган.

Фурқат Юсупов тайёрлади.