Кеча Муҳиддин Абдувалиев бошчилигидаги ўринбосарларимиз “Бухоро” ёшларига қарши майдонга тушишди. Ўйинда 2:2 ҳисоби қайд этилди. Вакилларимиз икки марта ортда бораётиб, ҳисобни тенглаштиришга муваффақ бўлишди.
Қуйида ушбу ўйинга бағишланган фотомақола билан танишинг:
Футболчилар майдонга тушиб келишмоқда. Учрашувни бошқариб борган ҳакамлар ўз ишларини аъло даражада бажаришганини алоҳида таъкидлаш жоиз.
Ҳар икки жамоа сардорлари – Маъруф Зокиржонов ва Шаҳжаҳон Насимовлар ўйинни ким бошлаб бериш борасида ойдинлик киритишмоқда.
Муҳаммаданас Ҳасанов ўйин давомида фаоллиги билан ажралиб турди. Лекин гол уриш унга насиб этмади.
Учрашув давомида мана шундай ҳолатларга кўп гувоҳ бўлдик.
Ҳар икки жамоа дарвозаси олдида хавфли вазият вужудга келмоқда. Жамоалар мухлисларга ҳужумкор ўйин намойиш этиб беришди.
Рақиб дарвозаси олдидаги навбатдаги ҳужум самарасиз якун топмоқда.
Ҳар галгидек Достон Мелиқўзиев ўзининг тиниб-тинчимаслиги билан ажралиб турди.
Ҳисоб тенглашган вазият.
Гол муаллифи Ориф Мамажоновни жамоадошлари қутлашмоқда.
Азизхон Ибрагимов ва “Қўқон-1912” жамоасининг собиқ ўйинчиси Шохрух Холматовлар тўп учун курашда.
Аброр Раҳмоновнинг иккинчи бўлимда майдонга тушиши ўринбосарларимиз ўйинини анча жонлантирди. Вазиятларнинг бирида рақиблар ҳужумчимизни ўз жарима майдончалари ичида қўполлик билан тўхтатиб қолишди. Натижада бош ҳакам бухороликлар дарвозасига пенальти белгилади.
Пенальтини бажариш Маъруф Зокиржонов зиммасига тушди…
… ва унинг зарбаси аниқ нишонга борди.
Иккинчи гол муаллифи Маъруф Зокиржонов мухлисларда яхши таассурот қолдирди.
Мураббийлар штаби ва захирадаги футболчилар ўйинни синчковлик билан кузатиб боришмоқда.
Бу эса мухлисларимиз – бугун ҳам “Марказий” ўйингоҳ ишқибозлар билан тўлишига умид қилиб қоламиз. Уларнинг қўллаб-қувватлашлари жамоамизга қўшимча куч бағишлаши шубҳасиз.
